बुलढाणा येथे जागतिक बौद्ध धम्म परिषद: जय्यत तयारी सुरू
मोठ्या संख्येने उपस्थित रहा- सतीश पवार
बुलढाणा – 22 नोव्हेंबर 2025 रोजी बुलढाणा येथील जिल्हा शिक्षण व प्रशिक्षण मैदानावर ही जागतिक धम्म परिषद घेण्यात येत आहे. विविध देशातील आणि लाखांहून अधिक उपासक , उपासिका सहभागी होतील. परिषदेसाठी निवास, भोजन, आरोग्य आणि सुरक्षेची व्यवस्था असेल. धम्म तत्त्वांवर आधारित धम्म देसना होईल..ही जागतिक बौद्ध धम्म परिषद मानवतेची, बुद्ध अनुयायांची आहे. प्रत्येकाने आर्थिक, श्रमिक आणि लोकसहभागाने ही जागतिक बौद्ध धम्म परिषद होत आहे.
भोजनालय, पिण्याचे पाणी, आरोग्यसेवा, सुरक्षा आणि स्वच्छतेच्या सुविधा या ठिकाणी उपलब्ध असतील. एक लाखांहून अधिक उपासक–उपासिका या धम्म परिषदेत सहभागी होतील, अशी माहिती मुख्य संयोजक मूकनायक फाउंडेशन चे अध्यक्ष सतीश पवार यांनी दिली आहे. या धम्म परिषदेसाठी एक ते दोन महिन्यांपासून परिषदेचे नियोजन सुरू आहे. या परिषदेला शिक्षक ,प्राध्यापक, पत्रकार, उद्योजक, साहित्यिक, विचारवंत, कलावंत आणि सामाजिक विविध क्षेत्रातील कार्यकर्त्यांची उपस्थिती राहणार आहे.
या जागतिक बौद्ध धम्म परिषदेत विविध क्षेत्रातील उद्योजक आणि व्यावसायिकांना संधी सोहळाही भिक्खू संघाच्या हस्ते होईल. धम्म परिषदेत बुद्धिस्ट स्कूल निर्माणाचा संकल्प समोराहसुद्धा पार पडणार आहे.
आरोग्याच्या सेवेसाठी ॲम्ब्युलन्स ( रुग्णवाहिका) लोकार्पण सोहळा सुद्धा पार पडणार आहे.तसेच विविध क्षेत्रात उल्लेखनीय कार्य केलेल्या प्रतिभावंतांचा धम्म परिषदेत मूकनायक फाउंडेशन बुलढाणा हा पुरस्कार देऊन गौरव केला जाणार आहे .
धम्म बाधवांनी सहकार्य करावे – सतीश पवारांचे आव्हान
जागतिक बौद्ध धम्म परिषदेसाठी सर्वांनी सहकार्य करावे, असे आवाहन सतीश पवार यांनी केले आहे. . परिषदेचे आयोजन हे बौद्ध धर्म अनुयायांसाठी एक पर्वणी ठरणार आहे. विविध देशातील नावलौकिक असलेल्या भिख्खू संघाच्या उपस्थितीमध्ये बुलढाणा येथे मूकनायक फाउंडेशनद्वारे दि. 22 नोव्हेंबर २०२५ रोजी जागतिक धम्म परिषदेचे आयोजन करण्यात आलेले आहे. या धम्म परिषदेला भारत, चीन, जपान, थायलंड, श्रीलंका, मलेशियासह इतर बौद्ध देशातील भिख्खूदेखील उपस्थित राहणार आहेत.या धम्म परिषदेची जय्यत तयारी सुरू आहे.
20
20
20
