ज्ञानदेवराव बापू दांडगे नर्सिंग कॉलेज, धाड, दि. १ डिसेंबर २०२५ रोजी चांडोळ येथे जागतिक एड्स दिन उत्साहात आणि प्रभावीपणे साजरा करण्यात आला.
बुलढाणा – तालुक्यातील ज्ञानदेवराव बापू दांडगे नर्सिंग कॉलेज, धाड, दि. १ डिसेंबर २०२५ रोजी चांडोळ येथे जागतिक एड्स दिन उत्साहात आणि प्रभावीपणे साजरा करण्यात आला. एड्स या महाभयंकर आजारावर नियंत्रण मिळवण्यासाठी शिक्षण आणि जनजागृती करणे कार्यक्रमाचा मुख्य उद्देश होता.
संस्थेचे अध्यक्ष मनोज दांडगे, विश्वस्त संतोष दांडगे, सचिव उमेश दांडगे, संस्था समन्वयक संतोष डवले यांच्या मार्गदर्शनाखाली हा संपूर्ण उपक्रम यशस्वीपणे पार पडला.
या उपक्रमात कॉलेजचे विद्यार्थी आणि चांडोळ गावातील ग्रामस्थांनी उत्साहात सहभाग नोंदवला. जनजागृती करण्यासाठी विविध माध्यमांचा उपयोग करण्यात आला:
भव्य रॅली : विद्यार्थ्यांनी गावातून एक भव्य रॅली काढली, ज्यामध्ये एड्स प्रतिबंधक संदेश देणारे फलक आणि घोषणा होत्या.
जनबोध नाटके: एड्सच्या कारणांवर, लक्षणांवर आणि प्रतिबंधात्मक उपायांवर आधारित जनबोध नाटके सादर करण्यात आली. या नाटकांना गावकऱ्यांनी उत्स्फूर्त प्रतिसाद दिला.
प्रबोधनपर भाषणे : एड्स या गंभीर आजारावर नियंत्रण मिळवण्यासाठी शिक्षण, सुरक्षितता आणि समाजात या रुग्णांना मिळणाऱ्या वागणुकीबद्दल प्रबोधनपर भाषणे झाली.
या संपूर्ण कार्यक्रमातून एड्स या महाभयंकर आजारावर नियंत्रण मिळवण्यासाठी शिक्षण आणि जनजागृतीचे महत्त्व अधोरेखित करण्यात आले.
यावेळी कॉलेजचे प्राचार्य, विलास पांडव, प्राध्यापिका लक्ष्मी गाढे, स्नेहल धनवे, पूजा शिंदे, रमेश रावळकर आदींसह कॉलेजचे सर्व प्राध्यापक आणि शिक्षकेतर कर्मचारी उपस्थित होते. कॉलेजच्या या स्तुत्य उपक्रमाबद्दल चांडोळ येथील ग्रामस्थांनी समाधान व्यक्त केले आणि जनजागृतीच्या या प्रयत्नांचे कौतुक केले.
20
20
20
