बुलढाणा,दि.4(प्रतिनिधी): राज्य निवडणूक आयोग यांच्या दि. २६ मे २०२६ रोजीच्या आदेशान्वये राज्यातील बिगर व अंशतः अनुसूचित क्षेत्रातील सन २०२४ व २०२५ मध्ये मुदत संपलेल्या तसेच सन २०२६ मध्ये मुदत संपणाऱ्या आणि नव्याने स्थापन झालेल्या ग्रामपंचायतींच्या सार्वत्रिक निवडणुकांसाठी सदस्य पदांच्या आरक्षण सोडतीचा कार्यक्रम जाहीर करण्यात आला आहे. कार्यक्रमानुसार चिखली तालुक्यात मुदत संपणाऱ्या ६० ग्रामपंचायती व १ नवनिर्मित ग्रामपंचायत अशा एकूण ६१ ग्रामपंचायतींच्या सार्वत्रिक निवडणुकांसाठी प्रभागनिहाय सदस्य आरक्षण निश्चित करण्यासाठी विशेष ग्रामसभांचे आयोजन करण्यात आले आहे.
दि. १० जून २०२६ रोजी अमडापूर, धोत्रा नाईक, हरणी, बोरगाव काकडे, भोरसा-भोरसी, आमखेड, कवठळ, काटोडा, खैरव, रोहडा, गोद्री, माळशेंबा, पळसखेड दौलत, सोमठाणा, शेलूद, टाकरखेड हेलगा, करवंड, दहिगाव, धोत्रा भणगोजी, पेठ, टाकरखेड मु., अंत्री खेडेकर, मलगी, अमोना, वसंतनगर, शेळगाव आटोळ, मालगणी, अंत्री कोळी, सावरगाव डुकरे आणि केळवद या ग्रामपंचायतींमध्ये विशेष ग्रामसभा होणार आहे.
तसेच दि. ११ जून २०२६ रोजी इसोली, तोरणवाडा, वैरागड, तेल्हारा, एकलारा, नायगाव बु., गांगलगाव, भालगाव, कोलारा, चांधई, खोर, साकेगाव, येवता, दिवठाणा, सवणा, वळती, शेलसूर, मंगरूळ नवघरे, शेलोडी, शिंदी हराळी, उत्रादा, मेरा बु., मुरादपूर, भरोसा, अंचरवाडी, मंगरूळ इ., देऊळगाव धनगर, हातणी, भोगावती, ब्रम्हपुरी आणि किन्होळा येथे विशेष ग्रामसभांचे आयोजन करण्यात आले आहे.
सदर विशेष ग्रामसभा अध्यासी अधिकारी यांच्या अध्यक्षतेखाली संबंधित ग्रामपंचायत कार्यालयात आयोजित करण्यात येणार असून, ग्रामपंचायत सदस्य पदांच्या प्रभागनिहाय आरक्षण प्रक्रियेसंदर्भात महत्त्वपूर्ण निर्णय घेण्यात येणार आहेत. या विशेष ग्रामसभांना नागरिकांनी मोठ्या संख्येने उपस्थित राहून आरक्षण सोडतीच्या प्रक्रियेत सहभागी व्हावे, असे आवाहन तहसीलदार विजय सवडे यांनी केले आहे.
20
20
20
